Dy persona kanë rënë në pranga dhe një tjetër është shpallur në kërkim nga Policia e Vlorës.
Gjatë kontrolleve territoriale kundër kultivimit të bimëve narkotike uniformat blu konstatuan se në fshatin Aliban pranë Novoselës ishin mbjellë disa bimë kanabis sativa të cilat u asgjësuan menjëherë.
Dy shtetasit e arrestuar në flagrancë janë: A. L., 44 vjeç banues në fshatin Mifol dhe Th. N., 53 vjeç, banues në fshatin Aliban, ndërsa i shpalluri në kërkim është E. L., 33 vjeç, banues në fshatin Mifol, Vlorë.
Gjatë kontrollit të ushtruar në banesën e shtetasit A.L. Policia ka gjetur dhe sekuestruar në cilësinë e provave materiale:
• 13 kilogramë lëndë narkotike kanabis.
• një armë zjarri automatik
• 30 fishekë.
Gjithashtu Policia ka proceduar penalisht për “Shpërdorim detyre” dhe shtetasit N.D dhe Dh.N, me detyrë kryepleq në fshatrat Mifol dhe Aliban.
Materialet i kaluan Prokurorisë për veprime të mëtejshme.
