Policia në Kakavijë ka arrestuar një person i shpallur në kërkim, i dënuar me 15 vjet burg për “vrasje” dhe “vjedhje me armë”.
Sipas policisë në pranga u vu Aris Kaçi, 38 vjeç, banues Xarrë, Sarandë, mëngjesin e sotëm në orën 06:15 në Kakavijë.
Pas verifikimeve të punonjësve të policisë në sistemin TIMS ky person rezultonte person në kërkim.
Kaçi ishte shpallur në kërkim nga Interpol Tirana, pasi Gjykata e Romës me vendim Nr.448/2002 RES datë 30 nëntor 2015 e ka dënuar me 15 vjet burg për veprat penale “Vrasje” dhe “Vjedhje me armë”. Ndalimi i këtij shtetasi u bë me qëllim ekstradimin e tij drejtë Italisë.
