Si pasojë e kontaktit me rrymën, ka mbetur i vdekur një 15-vjeçar në fshatin Pidiç të Komunës së Gjilanit. Dje gjatë ditës, lajmin për Express e ka konfirmuar zëdhënësja e prokurorisë së Gjilanit. Mësohet se i ndjeri ka qenë duke e pastruar pishinën e një restoranti, e aty pati kontakt me rrymën, gjë që solli pasoja fatale.
15- vjeçari, Islam Dalipi, ishte futbollist i klubit “Karadaku”. Lajmin e ka bërë të ditur vetë klubi duke i shprehur ngushëllime familjes Dalipi.
“Te Allahut jem tek ai do të kthehemi, Sot ka ndërruar jet Islam Dalipi djali i Demush Dalipit lojtarit ton.
Gjith shoqërija nga Kf Karadaku i shprehum ngushëllime familjes Dalipi dhe Demushit…Allahu ua shtoft sabrin e durimin…NGUSHËLLIME…”, thuhet në ngushëllimin e klubit.
15-vjeçari nga Gjilani humbi jetën dje nga rryma, pasi që dyshohet se kishte qenë duke e pastruar basenin me një aparat të ujit, shkruan Gazeta Insajderi.
“Dyshohet që i njëjti, tek restorant “Villa familjare” në fshatin Pidiq, derisa ishte duke pastruar bazenin me një aparat të ujit, ka pësuar lëndime trupore, gjatë kontaktit me rrymën, ndërsa rreth orës 16:50 minuta në Spitalin Regjional në Gjilan ka humbur jetën. Prokurori kujdestar, nga Departamenti për Krime të Rënda, ka dhënë urdhër që trupi i pajetë i të ndjerit të dërgohet për autopsi, në Institutin e Mjekësisë Ligjore, në Prishtinë dhe rasti është cilësuar si “Vdekje e dyshimtë””, ka thënë ajo.
