Një 28-vjeçar shqiptar ka rënë në prangat e policisë, pasi ishte shpallur në kërkim ndërkombëtar që nga viti 2017 për trafikim droge. Ndalimi i tij u bë nga policia greke në Crystalopigi në Florina. Urdhri i arrestimit ishte dhënë nga Gjykata Penale e Tiranës për trafikimin e më shumë se 700 kg kanabis në portin e Durrësit me anë të një kamioni që nisej për Itali.
Tashmë i arrestuari do të procedohet në Prokurorinë e Apelit të Maqedonisë dhe më pas pritet të ekstradohet drejt Tiranës për tu përballur me akuzën e trafikimit të lëndëve narkotike
