Një plagosje me thikë ka ndodhur në periferi të kryeqytetit orët e para të kësaj të diele.
Sipas policisë, J.V. 68 vjeç shkoi në banesën e F.L, 56 vjeç në Kodër Kamëz dhe gjatë një konflikti, e qëlloi me thikë. I lënduari raportohet se ndodhet jashtë rrezikut për jetën. Konflikti ka ndodhur për motive të dobëta, sipas të njëjtave burime.
“Shërbimet e Policisë, pas njoftimit të marrë se një shtetas kishte shkuar në një banesë në Kodër Kamëz dhe kishte plagosur rëndë me thikë të zotin e banesës menjëherë kanë shkuar në vendngjarje, duke arrestuar në flagrancë për veprën penale ‘Plagosja e rëndë me dashje’, dhe ‘Prodhimi, mbajtja, blerja apo shitja pa leje e armëve të ftohta’, shtetasin J. V., 68 vjeç banues në Kodër Kamëz. Shtetasi J.V, rreth orës 01.15 të mëngjesit kishte shkuar në banesën e shtetasit F.L, 56 vjeç, dhe pas një konflikti për motive të dobëta, e kishte plagosur me mjet prerës (thikë). Shtetasi F.L, pas ndërhyrjes mjekësore ndodhet jashtë rrezikut për jetën. Materialet procedurale i kaluan Prokurorisë së Rrethit Gjyqësor Tiranë për veprime të mëtejshme“, njoftoi policia.