Dalin detaje të reja nga ngjarja e rëndë e ndodhur në fshatin Vallahat të Delvinës mbrëmjen e sotme.
Mësohet se ngjarja ka qenë aksidentale, ku një mjet i cili ka qenë në ecje e sipër ka shpërthyer në rrugë. Nga të dhënat paraprake bëhet me dije se mjeti ka qenë gaz-benzinë dhe shkak i shpërthimit të tij është bërë problemi me bombulën e gazit.
Brenda në mjetin e djegur udhëtonin dy persona, bashkëshort. Burime për FaxWeb.al bëjnë me dije se viktima është Albert Caushi nga Fieri, ndërsa e plagosur rëndë është bashkëshortja e tij, shtetasja me iniciale Merita Muja.
Njoftimi i policisë:
Rreth orës 20:40, në aksin rrugor pranë vendit të quajtur “Karahaxh”, automjeti tip “Renault Megane” që drejtohej nga shtetasi A.C, ka dalë nga rruga dhe ka marrë flakë.
Si pasojë e flakëve të shpejta është djegur rëndë dhe ka ndërruar jetë brenda në mjet drejtuesi, shtetasi A.C me banim në Fier.
Ndërsa bashkëjetuesja e tij shtetasja M.M, ndodhet në Spitalin e Sarandës, jashtë rrezikut për jetën.
Grupi hetimor ndodhet në vendngjarje dhe po punon për zbardhjen e rrethanave të ngjarjes.