Një situatë pengmarrje është raportuar në Shtutgard të Gjermanisë. Mediat lokale raportojnë se një person i armatosur ka hyrë në një ndërtesë, që mendohet se është një firmë avokatie.
Në vendin e ngjarjes kanë mbërritur forca të shumta policie dhe kanë rrethuar lagjen ku po ndodh ngjarja.
Nuk ka shumë informacion se çfarë po ndodh, ndërsa deri tani nuk ka të dhëna që autori të ketë shkëmbyer zjarr me policinë. Dyshohet se ai po mban peng një avokat.
Në vendngjarje janë edhe forcat speciale, ndërsa negociatorët e policisë po përpiqen të krijojnë kontakt me pengmarrësin.
