Kryeministri Edi Rama u shfaq dje në krah të Lefter Kokës, deputet i LSI-së, ndërsa ky i fundit inauguronte një biznes në qytetin e Durrësit.
Rama, i cili nga postimet në rrjet, është akomoduar me familjen në Dhërmi për pushime, ka zgjedhur që mbrëmjen e djeshme ta kalojë me Lefter Kokën, ndoshta i ftuar nga ky i fundit, ose një vizitë surprizë e kryeministrit.
Ish-ministri Ylli Manjani në një postim në rrjet ngre pikëpyetje se çfarë ka ndryshuar në marrëdhënien mes Ramës dhe Kokës në këto dy vite, sa kohë që kryeministri dikur e ofentonte deputetin në Parlament.
“… Nuk komentoj burrat me kostum që hanë pilaf..”, do të shprehej Rama për Kokën, po mesa duket çarja e “Terit” me LSI-në ka bërë që burri me kostum që hante pilaf të kthehej në një personazh mjaft të dashur për numrin 1 të qeverisë.
Postimi i plotë i Manjanit:
Diku nga fillimi i vitit 2017, kur Teri artikuloi disa kritika për qeverinë (të parat e të fundit), Edi Rama tha:
“… Nuk komentoj burrat me kostum që hanë pilaf..”
Mbrëmë i qenka shfaqur Terit në lokal si Lugat i sapo ngritur nga varri.
Tani një pyetje kam: Teri nuk ha më pilaf, apo nuk vesh kostum?!
P.S. nuk është qëllimi të merrem me veshjen e Lugatit, se atë do ai…
