Një grua ka humbur jetën, ndërsa një tjetër ndodhet në gjendje të rëndë në spital, pasi i rrëmbeu rrjedha e lumit Vjosë.
Sipas një rindërtimi paraprak të ngjarjes nga policia lokale, gratë ishin duke kaluar lumin pranë fshatit Dragot në Tepelenë, kur i ka rrëmbyer rrjedha e Vjosës. Njëra prej tyre nuk ka arritur të mbijetojë, ndërsa tjetra është gjetur dhe është transportuar në spitalin Rajonal, bënë me dije burime zyrtare nga policia lokale.
“Në lumin Vjosë, pranë fshatit Dragot, bashkia Tepelenë, shtetaset E.B. dhe S.Sh. të dyja banuese në Këlcyrë, duke kaluar lumin, i ka rrëmbyer rrjedha e ujit. Për pasojë shtetasja E.B. ka ndërruar jetë ndërsa shtetasja S.Sh. është transportuar për në spitalin Rajonal Gjirokastër”, thuhet në njoftimin paraprak të policisë.
