Ish-ministri i Financave dhe ish-deputeti socialist, Arben Malaj, ka reaguar ashpër mbi vendosjen e memorialit të martirëve turq në grushtin e dështuar të shtetit në Turqi, 3 vjet më parë.
Malaj në një postim në rrjet shkruan se Veliajt nuk ndalen në poshtërimin që ju bëjnë qytetarëve shqiptarë.
“Veliajt nuk duhet të importojne në Tiranë një krizë të rëndë demokracie që ka aktualisht në Turqi. Ndoshta pushimet e shtrenjta nëpër jahte full option në hapat e para të ambicieve të tyre politike i kanë nënshtruar deri në këtë pikë”, shkruan Malaj.
Postimi i Arben Malajt
Veliajt nuk ndalen në poshtërimin që ju bëjnë qytetarëve shqiptarë.
Turqia është partner strategjik i Shqipërisë. Por Shqipëria 2019 nuk mund të trajtohet nga qeveritarët e saj sikur të jetë vilajet i Turqisë.
Jane me mijëra akademikë, profesorë, mësues, intelektualë të shquar që ndodhen në burg dhe që do të marrin pafajësine e tyre.
Veliajt nuk duhet të importojne në Tiranë një krizë të rëndë demokracie që ka aktualisht në Turqi. Ndoshta pushimet e shtrenjta nëpër jahte full option në hapat e para të ambicieve të tyre politike i kanë nënshtruar deri në këtë pikë.
Ministria e Jashtme duhet të disiplinojë Ministritë dhe pushtetin vendor në këto lloj përkujtimoresh. Ato duhet të marrin një miratim në parim.
Marrëdheniet midis dy popujve janë më të gjata dhe më vitale se marrëdhëniet midis dy liderëve në periudha të ndryshme historike.