Të tjera detaje kanë dalë lidhur me vrasjen që tronditi mbrëmjen e djeshme Vlorën, ku viktimë mbeti Laver Tozaj. Burimet bëjnë me dije se deri tani janë shoqeruar 15 persona, por autorët ende nuk janë identifikuar.
“Kemi disa dyshime për pistat, por që po punojme intesivisht për të bërë dokumentimin ligjor. Pista kryesore e hetimit, është ajo për prishje të pazareve te droges”, thanë burimet për “Panorama”.
Ngjarja ndodhi dje në Selenicë. Në vendin ku u vra 47-vjeçari janë gjetur 7 gëzhoja plumbash pistolete.
Burimet shtuan se Tozaj ka marrë 5 plumba në pjesën e kraharorit dhe 2 në kokë.
Rruga ku është vrarë Laver Tozaj nuk kishte ndriçim, duket si një detaj i mirëmenduar nga autorët për të fshehur gjurmët. Dyshohet se autori të jetë banor i zonës.
