Policia e gjirokastrës ka arrestuar një 18¬ -vjeçar si dhe ka shpallur në kërkim edhe dy adoleshentë të tjerë, pasi pas një sherri në një lokal kanë plagosur me thikë dy të rinj.
Të rinjtë janë konfliktuar në lagjen “Pllakë” të Gjirokastrës dhe për fat, policia njofton se të plagosurit janë në spital jashtë rrezikut për jetën.
Policia njofton se në flagrancë u arrestua Lefter Dono, 18 vjeç, banues në Gjirokastër. Gjithashtu u bë shpallja në kërkim e shtetasve M.N dhe O.A . “Të tre këta shtetas në bashkëpunim me njeri-tjetrin, për motive të dobëta në një lokal në lagjen “Pllakë”, Gjirokastër kanë goditur me mjete prerëse (thikë ) shtetasit K. K, 22 vjeç dhe G.B, 19 vjeç, të cilët janë jashtë rrezikut për jetën”¬ njofton policia. Materialet i kaluan Prokurorisë së Rrethit Gjyqësor Gjirokastër për veprime të mëtejshme për veprat penale “Vrasje me paramendim e mbetur në tentativë, e kryer në bashkëpunim” dhe “Prodhim dhe mbajtje pa leje e armëve të ftohta”.
