Kryeministri Edi Rama ka reguar sërisht mbi aksionet e policisë në kuadër të asaj që njihet si “Plazhi i lirë”, që synon çlirimin e hapësirave publike, që janë zënë padrejtësisht nga operatorë të ndryshëm.
Nuk dihet pse qeveria ndërmorri aksionin në kulmin e sezonit turistik, por me shumë gjasa, para 30 qershorit Rama nuk mund të vepronte për shkak të zgjedhjeve.
Gjithsesi, Rama shprehet optimist për aksionin dhe paralajmëron se ligji i ri që do të miratohet në vjeshtë nga Parlamenti, do të zgjidhë probelemet e deritanishme.
“Zaptuesit e plazheve po përballen kudo me Policinë e Shtetit, por Ligji i Ri për vijën bregdetare, do të sigurojë që ata të mos guxojnë ta sfidojnë më qytetarin dhe shtetin”, shkruan Rama në rrjet.
