Arben Beqiraj, i cili u plagos pasditen e djeshme në Vlorë ka humbur jetën në spitalin rajonal të këtij qyteti.
Beqiraj ishte pronari i lokalit ku ndodhi ngjarja, në të cilën u plagos edhe djali i tij 18-vjeçar.
Të plagosurit, që janë jashtë rrezikut për jetën, janë Egert Beqiraj dhe Nesim Hodaj.
Beqiraj nuk mundi t’i mbijetonte plagëve të marra, ndërsa raportohet se ka vdekur në orën 01:00 të së hënës. Ai kishte marrë 6 plumba që i kishin prekur organet jetike.
Sulmi me armë ndodhi pasin dy persona janë zënë me grushta me pronarin e lokalit dhe pastaj kanë vrapuar drejt makinave të tyre, prej nga kanë marrë kallashnikovë dhe kanë qëlluar drejt tij drejt e në kraharor.
Të dy vrasësit janë larguar më pas në drejtim të pyllit të Sodës dhe Policia është vënë në ndjekje të tyre.
Informacioni paraprak i policisë
Në Vlorë, ne lagjen 1 Maj, në një lokal në pronësi të shtetasit A.B, ka ndodhur një konflikt për motive banale. Si pasoje e konfliktit është plagosur i zoti i lokalit shtetasi A.B, që ndodhet në gjendje të rëndë dhe dy shtetas të tjerë që janë jashtë rrezikut për jetën.
Policia ka identifikuar dy autorët e ngjarjes, shtetasit SH.L dhe E.XH.
Në ndjekje të autoreve është vënë Policia e Vlorës, Delta Forcë dhe FNSH e Fierit.Grupi hetimor ndodhet në vendngjarje dhe po punon për sqarimin e rrethanave të ngjarjes si dhe sekuestrimin e çdo prove që do ti shërbejë hetimit.
