Një ngjarje e rëndë me pasojë plagosjen ka ndodhur në Vlorë. Ngjarja mësohet se ka ndodhur mbrëmjen e sotme, rreth orës 19:30. Nga disa të shtëna me armë, mësohet se 3 persona kanë mbetur të plagosur.
Ngjarja ka ndodhur në zonën e plazhit të vjetër. Sipas informacioneve paraprake, një person ka gjuajtur me armë në një lokal në këtë zonë, duke plagosur pronarin e objektit, Arben Brahimaj, rreth moshesh 40 vjecare, i cili ndodhet në sallën e operacionit në spital, si dhe 2 persona të tjerë që ndodhen jashtë rrezikut për jetën.
Arben Brahimaj, i cili ka marrë plagë në kraharor nga disa plumba, është është pronari i lokalit ku ndodhi ngjarja si dhe i një tjetër biznesi në qendër të Vlorës.
Njëri nga të plagosurit, mësohet se është djali i biznesmenit, 18-vjeç, i cili ka marrë plumb në këmbë. Dyshohet se shkak për këtë ngjarje është bërë një konflikt mes tyre.
Policia ka identifikuar dy autorët e ngjarjes, shtetasit SH.L dhe E.XH. Në ndjekje të autoreve është vënë Policia e Vlorës, Delta Forcë dhe FNSH e Fierit.
Grupi hetimor ndodhet në vendngjarje dhe po punon për sqarimin e rrethanave të ngjarjes si dhe sekuestrimin e çdo prove që do ti shërbejë hetimit.
