Komediani i njohur, Julian Deda, tallet me aksionin e nisur nga qeveria kundër informalitetit, ku në qendër janë kryesisht bizneset e vogla, apo ato në zonat turistike.
Gjatë ditëve të fundit, kryeministri Edi Rama ka raportuar masat administrative, deri në bllokim aktiviteti për 1 muaj, të këtyre bizneseve, për shkak të mos prerjes së kuponit tatimor.
E ndërsa, Rilindja po mburret me aksionin, komediani ka zgjedhur të bëjë shakanë e rradhës.
Në një postim në rrjet Deda shkruan: “Sot, edhe pse e Dielë, tek një biznes i vogel fare këtu poshtë pallatit tim kishin ardhur nja dy cuba tatimor, shtatshkurtër, me pak mjekërr dhe sigurisht me syze me rreth të trashë dhe po i bënin presion atij shitësit, më shumë për t’i dhënë ndonjë lek këtyre, se sa për të qënë në rregull me ligjin.
Durova tre minuta, pastaj iu afrova me shumë qetësi dhe i thashe, “çfarë bëni kështu mor çuna, edhe te dyqani i vëllait të Taulantit e gjetët te vini gjoba?”.
Sa mbarova fjalinë, më thanë një, “i madh je Julo, të ndjekim çdo javë” dhe ja futen vrapit.
P.s. Taulanti vazhdon të jetë ai komshiu im marangoz”.
