Ditën e djeshme, policia bashkiake bastisi piceri “Erën” në rrugën Abdyl Frashëri duke i hequr depozitën, gjeneratorin dhe mjete të tjera pune të lokalit. Kjo u cilësua si një sulm ndaj pronarit, Atin Bamllari, i cili disa ditë më parë denoncoi dhunën që policia bëri ndaj tij.
Ditën e sotme ka reaguar sot ish-Kryeministri Sali Berisha duke e konsideruar këtë si një “shpërblim” nga Kryeministri pikërisht për njeriun që i mbështeti socialistët dikur në grevën e tyre të urisë në bulevard.
“Këta janë picëshkalë!” ka shkruar Berisha në Fb me indinjatë. – Hakmarrje primitive! I nxori më të majmur me picat e tij nga e ashtuquajtura grevë urie, tani i shkatërrojnë biznesin!
Prej dy javësh bandat me uniformë keqtrajtojnë fizikisht, terrorizojnë familjarisht dhe tani i shkatërrojne biznesin duke i ndërprerë korentin, gazin dhe ujin pronarit të piceri Era.
Edi Rama po ja shpërblen me urrejtje furnizimin që ai i bëri me mijëra pica gjate tre javëve të grevës së urisë në bulevard. Këta janë bukëshkalë e picëshkalë!” thekson Berisha në denoncimin e tij publik.
Pronari i piceri “Erës”, Altin Bamllari, pati një incident me Policinë disa ditë më parë, prej ku denoncoi dhunën që u ushtrua prej saj mbi të, por pas këtij incidenti, jo më larg se dje, policia ka shkuar t’i bllokojë punën në biznesin e tij me argumentin “ndotje akustike”.
