Sekretari i Përgjithshëm i Partisë Socialdemokrate, Dardan Molliqaj, e ka përshëndetur nismën për shpërbërjen e Kuvendit të Kosovës.
Sipas Molliqajt, shkuarja e vendit në zgjedhje shënon edhe fundin e paqartësive, shpifjeve e propagandave.
“Lajm shumë i mirë që Kuvendi po shpërbëhet e vendi po shkon në zgjedhje. Paqartësive, shpifjeve e propagandave po iu vjen fundi”, është shprehur ai, nëpërmjet një shkrimi në Facebook.
“Kosovës i duhet ndryshimi dhe i duhet sa më shpejt. PSD do të jetë subjekt i fuqishëm që do ta ndikojë këtë ndryshim”, ka deklaruar Molliqaj.
“Barazia, mirëqenia e zhvillimi ekonomik do t’ia zënë vendin keqqeverisjes e popullizmit”, ka thënë deputeti i PSD’së.
“Gati për zgjedhje dhe të përgatitur për rritje e përgjegjësi”, është shprehur ai.
