Kanë dalë detaje të reja në dritë nga ekzekutimi te dera e shtëpisë e 40-vjeçarit, Hariz Bardhi në qytetin e Durrësit ditën e djeshme.
Referuar grupit hetimor, mësohet se vrasja ka qenë e mirëmenduar. Autorët kanë ndjekur lëvizjet rutinë të viktimës gjatë ditës dhe kanë kryer vrasjen në atë orë, duke qenë se nuk ka shumë lëvizje për shkak të temperaturave të larta. Në momentin e ekzekutimit viktima ka qenë në oborrin e banesës dhe është thirrur nga jashtë ndoshta nga një person që e njihte. Sapo ka hapur derën është qëlluar 12 herë me breshëri me armë automatike.
Dyshohet se ekzekutorët janë nga veriu. Mësohet se në polici janë shoqëruar 15 persona për të marrë dëshmi, por nuk është arritur në një rezultat konkret. Mungesa e kamerave të sigurisë në atë zonë e vështirëson më shumë zbardhjen e plotë të ngjarjes.
Në banesë ndodhej nëna e tij, ndërsa bashkëshortja me 2 fëmijët kishin shkuar për pushime. Nga ana tjetër e banesës gjendej kushëriri i tij i afërt. Kanë qenë këta që kanë njoftuar policinë dhe spitalin për ngjarjen. Viktima është dërguar më autoambulancë në spital në gjendje të plagosur, por nuk ka arritur që të shpëtonte.
Ditën e djeshme u raportua nga policia se viktimia rezultonte se ishte një emër i njohur, pasi është arrestuar në vitin 2012 si pjesë e trafikut të drogës drejt Italisë.
