Rreth 20 irakenë janë kapur në hyrje të territorit shqiptar, në kufirin me Greqinë. Burime nga Drejtoria Vendore e Kufirit konfirmojnë se emigrantët klandestinë kishin për qëllim kalimin tranzit në Shqipëri për të kaluar më pas drejt vendeve të Bashkimit Europian.
Klandestinet irakenë janë trajtuar me ushqim dhe veshmbathje për shkak të specifikës që mbartin pasi 12 prej tyre janë fëmijë. Ata janë zbuluar nga patrullimi i përbashkët i policisë kufitare shqiptare dhe ajo e FRONTEX në kufirin e gjelbër. Burime bëjnë me dije se kjo është hera e parë që një kontigjent i tillë klandestinësh irakenë mbërrinë në Shqipëri.
