Një automjet është gjetur i djegur në Porto Romano, disa orë pas vrasjes së shtetasit Feriz Bardhi.
Kjo ka ngritur dyshimet që automjeti i djegur mund të jetë përdorur nga autorët në krimin e kryer.
Në vitin 2012, Bardhi është arrestuar nga policia italiane në Ascoli, sepse së bashku me një shtetas tjetër, të cilët u kapën me 700 gramë kokainë të pastër, dhe u akuzuan për trafik ndërkombëtar të kokainës, duke u cilësuar nga policia italiane si korrierë të drogës.
Viktima u qëllua nga disa persona sapo doli nga dera shtëpisë.
Policia reagoi me një njoftim paraprak në të cilin thotë se kanë qenë disa persona të cilët ende nuk janë identifikuar që e kanë plagpsur fillimisht viktimën, e ai ndërroi jetë në spital.
Njoftimi i policisë
Më datë 01.08.2019, rreth orës 12:55, në lagjen Nr.18, Durrës, persona të paidentifikuar kanë plagosur me armë zjarri shtetasin F.B.,40 vjeç, banues në Shën Vlash, Durrës, i cili u transportua në Spital ku dhe ka ndërruar jetë.
Në vendngjarje ka shkuar grupi hetimor ku vijon punën për zbardhjen e rrethanave të ngjarjes.
Policia ka ngritur pika kontrolli dhe po punon intensivisht për identifikimin dhe kapjen e autorëve të kësaj ngjarje.
