Nga Boldnews.al
FADROMË- Ky është mjeti që Ramën e bëri të njohur, Ramës i dha pushtet, i dha para, i ofroi luks, e mbi të gjitha i shtroi rrugën për tu kthyer në një minidiktator të Ballkanit të vogël. Nëpërmjet këtij “mjeti” që të shkatërron dhe shtyp, në shumë raste solli një dramë dhe dy ekzaltime deliri.
Familje të traumatizuara që humbnin një banesë dhe sy të gëzuar të dy “fadromistëve” qeveritarë Rama dhe Veliaj që mbi rrënojat e një shtëpize ngrinin një kullë oligarku, apo një shesh për lulishte publike që të jep mundësi të bësh para me një tender të dyshimtë.
“Shih me sy dhe shkil me fadromë…”- Ka qenë dhe mbetet moto e kryeqeveritarit Edi Rama dhe kryetarit të Bashkisë së Tiranës Erion Veliaj. Nëpërmjet këtij mjeti arritën të shkatërrojnë gjithë arkitekturën e vjetër të kryeqytetit.
Nëpërmjet të tmerrshmes rruspë shembën stadiumin Qemal Stala, rrënuan kinematë e vjetra të Tiranës, gllabëruan troje publike dhe ngritën mbi ta pallate, kulla, objekte shërbimi, apo sheshe publike sipas shijeve të kryeministrit Rama dhe çirakut të tij Erion Veliaj.
Këtë radhë, fadromën po e mbajnë ndezur të gatshëm që të shembin përfundimisht godinën e Teatrit Kombëtar, e brij saj, të ndërtohen gjashtë kulla nga një kompani e paracaktuar dhe si kurrë më parë me një ligj të veçantë të kaluar në Parlament.
Për prishjen e teatrit hasën në rezistencën e artistëve dhe qytetarëve të Tiranës, por fadroma është aty pranë, që ky kryeministër të realizojë përfundimisht një ëndërr të vjetër; shkatërrim të çdo objekti dhe vlerë kulturore. Me rruspën e tij, Rama nuk kërkon vetëm të përfitojë, por të përbushë tekat e psiqikës. Aty ndjen kënaqësi kur shembet një histori, kur bie me tokën një objekt i hershëm, kur mbulohet me beton çdo copës e së shkuërës sonë. Për Ramën dhe Veliajn nuk ka Shqipëri tjetër, për ta është viti “zero” dhe me fadromën që prish po krijojnë “Shqipërinë e Rilindjes”, që vrau historinë tonë.
Për dyshen Rama-Veliaj, fadroma është “jetë politike”, është pushtet absolut dhe mbi gjithçka mjeti që u ofron benefitet. Koncepti shkatërrim për ta është delir, është madhështi dhe mbetet gëzim, ashtu si një “vrasës gjakftohtë” që kënaqet kur viktima e tij vuan teksa e torturon deri në humbje jete.
Këtë përjetuan edhe ata ndërtesa të vjetra të Tiranës që kryeministri aktual, kur ishte kryetar Bashkie dhe Ministër Kulture i nxorri nga lista e objekteve të trashëgimisë kulturore, për ti lënë të rrënoheshin, e më pas, sigurisht do vinte “dashuria” fadromë që jepte goditjen e fundit.
Ky mjet nuk presupozon vetëm shkatërrim, pasi një stadium me kullë ne mës është në prang të përfundimit. Ngritja në piedestal e godinave të realizmit socialist po realizohet, ndërsa e shkuara jonë, historia e një vendi po groposet nga famëkeqja fadromë. FADROMA po mban në pushtet kryeministrin dhe kryebashkiakun, prej saj do hapin edhe “varrin politik” në të ardhmen!
