Kryebashkiaku i Divjakës, Fredi Kokoneshi, është inatosur me mediat për të vërtetat që i kanë nxjerrë në ekrane për mungesën e investimeve në plazhin e Divjakës.
Kokoneshi duke qenë i zgjedhur i PS-së në Divjakë dhe me mbështetjen e madhe të deputetit Erion Braçe, ka vendosur që të kërcënojë median dhe ti nxjerrë nga zyra e tij me anë të ushtarëve të tij.
Këtë ka denoncuar ditën e sotme gazetarja Anila Sefa, e cila prej vitesh përfaqëson në Lushnje dhe Divjakë televizionet kombëtare.
Ja statusi
“Sot, Fredi Kokoneshi, kryetar i bashkisë Divjake, është i nxehur marrëzisht me gazetarët pse bëjnë kronika televizive për plazhin. Ky njeri, kujton se është pronar i qytetit të tij, madje edhe i mediave.
Arrogant deri në piken sa guxon të ngrejë zërin dhe të fyejë çdo gazetar që bën punën e tij, duke pasqyruar realitetin në plazhin Divjake. Vetëm një kronikë televizive në mediat kombëtare, pa shtuar dhe hequr asgjë nga realiteti i atij plazhi, ku pushuesit kërkojnë zhvillim, beri që ky njeri si kokosh të kërcënojë gazetarët, duke i fyer dhe nxjerrë nga zyra.
Pse ore arrogant, kujton se ashtu siç i je shitur politikës, janë të shitur edhe gazetarët? Harron se ka edhe të ndershëm dhe jo gjithmonë gënjejnë ashtu siç do ti.
Njerëzit e tu analfabetë dhe të bindur verbërisht, Avdi Snalla dhe Arbër Çela, mund ti përdorësh si ushtarë personal, por jo për të nxjerrë gazetarët nga zyra. Ajo karrige nuk të përket ty, sepse të gjithë e dinë sa djersë ke derdhur për ta fituar dhe jo merituar.
Një njeri si ty, që humb qetësinë kur flitet për të vërtetën e atij plazhi që e ke lënë të pisët, që nuk njeh mirësjelljen dhe edukatën, nuk mund të kuptoje mesazhin e kronikave televizive.
Përpara se të ngresh tonin e zërit ndaj mediave, bën mire ti futesh punës për rregullimin e atij plazhi të mrekullueshëm që natyra i ka falur bukurinë, por që njerëz si ty po e shkatërrojnë” –shkruan gazetarja Anila Sefa në profilin e saj në Facebook, ku denoncon kërcënimet dhe dhunimet e kryebashkiakut të Divjakës, Fredi Kokoneshi.
