Tre persona janë arrestuar nga policia italiane për grabitje dhe sulm ndaj dy grave në Perugia.
Një prej të arrestuarve është një 24 vjeçar shqiptar, ndërsa dy të tjerët janë minorenë që kanë bashkëpunuar me të.
Mbrëmjen e së martës, një grua telefonoi policinë ku bënte thirrje për ndihmë pasi shtëpia e saj ishte grabitur.
Sipas mediave italiane, kur policia arriti në vendngjarje, gjeti dy gratë në gjendje shoku, me disa shenja në trupat e tyre. Ndonëse ishin në panik, ato dëshmuan për policinë se disa djem që njohën online trokitën në derën e tyre dhe i sulmuan.
Në vetëm pak minuta, ata u larguan me disa qindra euro. Arratisja nuk zgjati shumë, pasi policia italiane arriti të kapte dhe arrestonte djemtë, identiteti i të cilëve nuk dihet.
