Kryedemokrati Lulzim Basha ka reaguar lidhur me fatin e Vangjush Dakos, të cilit iu refuzua hyrja për në SHBA dhe heshtjen e shefit te qeverisë, një nga miqtë më të afërt të kryebashkiakut në ikje të Durrësit. Në një postim në Facebook, Basha ironizon kryeministrin Edi Ram që sipas tij prej dy ditësh nuk po belbëzon asnjë fjalë për vendimin e DASH.
Nga ana tjetër, thotë Basha, Rama vazhdon të gënjejë shqiptarët për aferën e 6 kullave që kap vlerë e 200 mln eurove.
Sipas Bashës, gjithçka që thotë Rama është mashtrin dhe se qëllimi i tij është se si të mund të vjedhë.
Postimi i Bashës
Asnjë fjalë për bankomatin e tij privat Vangjush Dakon nuk belbëzon sot Edi Rama, ky artist i mashtrimit. Por vazhdon të mashtrojë për Aferën e 6 kullave 200 milionë euro. Çdo gjë që thotë, është mashtrim, pasi qëllimi i tij i vetëm është të vjedhë. Shikoni më poshtë si mashtron hajduti psiqik për Teatrin: Edi Rama dhe Erion Veliaj po shembin Teatrin Kombëtar për të grabitur 8467 m2 pronë publike dhe për të ngritur kulla mbi 20 kate. Nëpërmjet “Fusha shpk”, Edi Rama dhe Erion Veliaj fitojnë jo më pak se 200 milionë euro nga grabitja e pronës publike me ligj korruptiv. Me ligjin Antimafia PD do të sekuestrojë çdo cm2 pronë publike të grabitur. Nëse shembet Teatri, me ligj do tu vendosë minat kullave korruptive të korrupsionit!
