Momente sikleti për ish-ministrin Arben Ahmetaj dhe ministren Elisa Spiropali në Kavajë.
Betimi i kryetarit të ri të Bashkisë, Redi Krali dhe këshillit Bashkiak është zhvilluar tek ambientet e prefekturës, në një zyrë tejet të vogël.
Temperaturat e larta kanë bërë që Ahmetaj të shprehë sikletin. Në ndihmë i është gjendur menjëherë ministrja Elisa Spiropali, e cila i ka thënë që të durojë edhe pak.
Biseda e Ahmetajt dhe Spiropalit në Kavajë:
Arben Ahmetaj: Është shumë e ngushtë kjo dhoma dreqin… Hapini ato dritaret mo ej… (Fërkojnë ballin për të fshirë djersët)
Elisa Spiropali: Ja se mbaroi…
Ditën e sotme në Kavajë, do të bëhet konstituimi i Këshillit të Ri Bashkiak dhe betimi i kryebashkiakut të ri. PD ka paralajmëruar protestë, ndërsa FNSH-të kanë zbarkuar në qytet. Kryebashkiaku i PD-së Isa Sakja ka bërë me dije se nuk do ta lirojë zyrën duke sfiduar socialistët.
