Detaje të reja kanë dalë në dritë lidhur me vdekjen e 52-vjeçarit shqiptar Gani Hila në burgun e Lefsinës në Greqi. Mësohet se 52-vjeçari akuzohej për ngacmim seksual.
Sipas mediave greke, 52-vjeçari u arrestua të dielën pasdite pas një ankese të një gruaje 41-vjeçare, e cila pretendonte se Hila ishte përpjekur që ta ngacmonte seksualisht.
Mëngjesin e djeshëm kur gardianët shkuan për të marrë nga paraburgimi 52-vjeçarin dhe për ta dërguar atë në prokurori, e gjetën në tualet me një lak të improvizuar me çarçafë rreth qafës.
Edhe pse ai u tranportua menjëherë drejt spitalit të burgut, mjekët nuk mund të bënin asgjë për shqiptarin.
Mediat vendase e kanë cilësuar si vetëvrasje vdekjen e 52-vjeçarit, ndërsa në denoncimin e ish-kryeministrit Sali Berisha të burgosurit e tjerë pretendonin për dhunë nga gardianët grekë.
Marrë nga Protothema
