Ndjekje penale ndaj pronarëve të bizneseve, nëse kapen 3 herë rrjesht pa lëshuar kuponin tatimor.
Paralajmërimi është bërë nga ministrja e Financave, Anila Denaj, në një kohë që nga strukturat tatimore ka nisur një aksion në shkallë të gjerë kundër informalitetit.
“Është e rëndësishme të kuptohet se duhet të pritet kupon tatimor edhe në hyrje të lokaleve të natës për të shmangur penalizimet drastike.
E kërkojmë këtë pasi nuk do të donim të ishim as në pozitat e vendosjes së shiritave dhe as të ndjekjes penale”, tha Denaj.
Ndërkohë, zv. Drejtori i Përgjithshëm i Tatimeve, Ervin Hoxha, tha se gjatë kontrolleve të ushtruara janë konstatuar lokale me xhiro të lartë, që kanë shmangur detyrimin për të prerë kupon tatimor.
