Aktivisti dhe njëkohësisht pedagogu Ervin Goci ka paralajmëruar se në skenën e Teatrit Kombëtar do të jepet një tjetër shfaqje.Ai ka deklaruar se aktori i famshëm italian Michele Placido do të vijë të japë shfaqje në këtë teatër.
“Michele Placido do vijë të japë shfaqje te Teatri që do të prishë Edi Rama…”, njofton Goci.
Ende vijon rezistenca e artistëve te Teatri Kombëtar, të cilët janë kundër shembjes së kësaj godine.
Disa ditë më parë pati përplasje mes policisë, aktorëve dhe qytetarëve tek Teatri Kombëtar. Pasi policia rrethoi godinën për të bërë zbrazjen e saj, Basha dhe përfaqësues të PD shkuan në ndihmë të tyre.
Basha ka nënshkruar me artistët një marrëveshje ku theksohet se Teatri Kombëtar do të shpallet monument kulture. Nga ana tjetër Rama dhe Veliaj shfaqen të vendosur se kjo godinë do të shembet.
