Vanda Nara është një prej femrave të momentit në botën e “Showbiz”-it. Bashkëshortja dhe njëkohësisht agjentja e sulmuesit të Interit, Mauro Ikardi, qëndron gjithnjë në qendër të vëmendjes së mediave.
Së fundmi, revista e përjavshme italiane “Chi” aludon se modelja argjentinase mund të jetë sërish shtatzënë. Shkak për këto aludime duket të jetë barku i Vandës, që sipas tyre dallohet të jetë disi më i rrumbullakosur.
Megjithatë, për momentin nuk kemi asnjë konfirmim dhe këto mbeten thjesht lajme “gossip”. Kujtojmë që Vanda aktualisht është nënë e 5 fëmijëve, ku tre djem i ka nga marrëdhënia me Maksi Lopezin, ndërsa 2 vajza nga ajo me bashkëshortin aktual Mauro Ikardi.