Një banesë është vjedhur në fshatin Poçem të Ballshit, bënë me dije këtë të diel burime zyrtare nga policia lokale. Ngjarja ka ndodhur mbrëmjen e djeshme dhe denoncimi i tëzotit të banesës ka vënë në lëvizje policinë.
Sipas informimeve parapake që jep policia, është vjedhur banesa e një 39-vjeçari, ku janë marrë nga keqbërësit një sasi lekësh.
Autorët janë larguar pas vjedhjes dhe ende nuk ka asnjë arrestim lidhur me krimin.
“Në fshatin Poçem, Ballsh, është vjedhur banesa e shtetasit M.Z, 39 vjeç, ku kanë marrë një sasi lekësh. Grupi hetimor po punon për identifikimin dhe kapjen e autorëve”, thuhet në njoftimin e policisë pa u dhënë detaje të tjera rreth ngjarjes në fjalë. /BN/
