Një aksident i rëndë ka ndodhur mëngjesin e sotëm në Tiranë. Aksidenti ka ndodhur në Unazën e re rreth orës 6:00, ndërsa një tregtar fruta perimesh po lëvizte me biçikletë të ngarkuar me mallra në rrugë dhe është përplasur nga një automjet tip “Wolkswagen Passat”.
Për shkak të goditjes së fortë, tregtari ka marrë plagë të shumta dhe ndodhet në Qendrën Spitalore të Traumës në gjendje të rëndë. Në vendin e ngjarjes kanë shkuar forcat e policisë dhe ekspertë të cilët po punojnë për zbardhjen e rrethanave të aksidentit. Ndërkohë është shoqëruar shoferi i automjetit.
