Tre ditë më parë, Partia Socialiste mblodhi Asamblenë Kombëtare, ku ndër të tjera u vendos largimi i Ditmir Bushatit si drejtues politik i qarkut të Shkodrës, ndërsa ky pozicion iu besua Valdrin Pjetrit, kryebashkiakut të dalë nga votimet e 30 qershorit.
Po kështu Sandër Lleshaj, ministër i Brendshëm, morri drejtimin e qarkut të Lezhës, duke zëvnedësuar Lindita Nikollën.
Por çfarë ndodhi në mbledhjen e Asamblesë përveç paralajmërimeve të Edi Ramës dhe ndryshimeve të miratuara?
Fotot e mëposhtme tregojnë se ish-ministri i Financave, Arben Ahmetaj, në fillim të mbledhjes ka qenë shumë aktiv. Ai është shfaqur duke biseduar me Vangjush Dakon, ish-kryebashkiakun e Durrësit, dhe më pas me Gramoz Ruçin, që mundohet të ruajë seriozitetin.
Ndërkohë që Alfred Peza dhe Spartak Braho kanë zgjedhur të qëndrojnë pranë njëri-tjetrit, Sadri Abazi një pjesë të kohës e kalon në krah të Dakos.
Ditmir Bushati dhe Sandër Lleshaj janë ulur pranë njëri-tjetrit, por duken indiferentë.
Kreu i OSHEE ka zgjedhur të shoqërojë Ruçin nëpër sallë, ndërsa Blerina Gjylameti dhe Elisa Spiropali shfaqen të habitura, ndoshta nga biseda që Ahmetaj po bën me Ruçin.
Për më shumë mund të shikoni fotot e mëposhtme të realizuara nga fotografi Agim Rama.