Ka shkuar në 3 numri i viktimave si pasojë e një aksidenti të rëndë rrugor të ndodhur në fshatin Bërnjak të Rahovecit.
Ndërkohë që numri i të plagosurve nga ky aksident është po 3.
“Informacioni i fundit nga vendi i ngjarjes është se edhe personi i tretë ka vdekur. Viktimat janë dy meshkuj dhe një femër”, thonë nga Policia e Gjakovës.
Shkak i aksidentit dyshohet se ka qenë shpejtësia dhe tejkalimi i pasigurtë.
“Më datë 26.07.2019 në ora 16:30, stacioni policor në Rahovec ka marr informacion për një aksident rrugor në fshatin Bernjak të komunës së Rahovecit. Patrullat policore menjëherë kanë dalë në vendin e ngjarjes, po ashtu edhe zjarrfikësit dhe ekipi mjeksor, të cilët kanë konstatuar vdekjen e dy personave në vendin e ngjarjes dhe katër persona kanë pësuar lëndime trupore”, tha Lirije Podrimaj nga Policia e Gjakovës.
“Bazuar në informacionet e para nga vendi i ngjarjes dyshohet se aksidenti i ndodhur mes dy automjeteve udhëtarësh ka ndodhur si pasojë e mos përshtatjes së shpejtësisë dhe tejkalimit në mënyrë të pa sigurt. Rasti po hetohet nga njësiti i trafikut rajonal nga Drejtoria Rajonale e Policisë në Gjakovë”, vazhdoi ajo duke e konfirmuar vdekjen e personit të tretë në vendin e ngjarjes.