Një 54 vjeçar shqiptar u arrestua sot nga policia greke, në tentativë për tu larguar nga Greqia në Shqipëri, përmes pikës kufitare të Kristalopigi.
Policia greke e konsideron 54-vjeçarin një person të rrezikshëm, anëtar të një bande kriminale.
Ai u ndalua në bazë të urdhërit të prokurorisë në Kozani.
Mbi të rëndojnë akuzat e krijimit dhe pjesëmarrjes në organizatë kriminale, trafik droge dhe armëmbajtje e municione luftarake pa leje.
Tashmë 54-vjeçari do të përballet me drejtësinë greke lidhur me akuzat e ngritura nga prokuroria e Kozanit.
