Një 23 vjeçar shqiptar ka mundur të arratiset nga kuestura e Monzës në Milano (Itali) ku po mbahej i ndaluar në akuzën e vjedhjes.
Mediat italiane raportojnë se Elidon Gegaj, 23 vjeç, ishte ndaluar rreth orës 11:30 të ditës së djeshme, duke tentuar të vidhte një banesë në Monza.
Ai u ndalua dhe u dërgua në ambientet e Kuesturës, një godinë e inauguruar vetëm pak kohë më parë.
I mbyllur në një qeli, ku hekurat nuk shkonin deri në lartësinë e tavanit, 23-vjeçari ka arritur të largohet duke shfrytëzuar edhe faktin se kishte trup të imët.
Policia ka konstatuar arratisjen e të riut më vonë, ndërsa ka dhënë alarmin.
