Kreu demokrat Lulzim Basha do të dëshmojë sot para prokurorëve belgë për dosjen e ‘Toyota Yaris’.
“Në orën 09:00 kreu i opozitës Lulzim Basha do të jetë tek Prokuroria e Krimeve të Rënda për të dëshmuar para prokurorëve belgë për çështjen ‘Toyota Yaris’”, thuhet në një njoftim nga PD.
Gjatë një fjalimi në Kuvend, një vit më parë, kreu demokrat deklaroi se një dërgesë e madhe parash po vinte në Shqipëri dhe këto para po futeshin me bekimin e Taulant Ballës, kreu i grupit parlamentar socialist.
Prokurorët belgë, që hetojnë këtë çështje, prej disa ditësh kanë ardhur në Tiranë dhe kanë kërkuar që të marrin edhe dëshminë e kreut të opozitës.
