Presidenti Ilir Meta ka zgjedhur të shkojë në këmbë nga Presidenca drejt Gjykatës Kushtetuese për të dorëzuar kërkesën lidhur me shpalljen të pavlefshëm të ligjit që i çel rrugën shembjes së godinës së Teatrit Kombëtar.
I shoqëruar nga Sekretari i Përgjithshëm i Presidencës dhe dy këshilltarë të tij, Meta ka preferuar të shkojë vetë për të dorëzuar kërkesën në Gjykatën Kushtetuese, e cila prej muajsh është jashtë funksionit.
