Ngjarja e rëndë në Elbasan, ku një djalë 18 vjeçar dyshohet të jetë dhunuar seksualisht nga një 42 vjeçar, vjen e rrëfyer nga vet protagonisti dhe nëna e tij. Nëna e djalit tregon me detaje sesi 18 vjeçari me lot në sy ka shkuar në shtëpi dhe i ka thënë të vërtetën e hidhur.
Djali erdhi me vrap dhe me tha: Altin Hida shiste banane. E mori djalin tim e mbylli brenda në dhomën e tij. E gënjeu duke i kërkuar ndihmë për të mbajtur arkat. Kur erdhi djali nga shtëpia e tij më tregoi. Djali më tha ai më përdhunoi dhe qante me dënesë. I tregova burrit. Shkuam direkt në polici dhe ai nuk tha asgjë. Sa vajtëm tek policia ai iku me vrap. Ditën tjetër u bë raporti mjeko ligjor dhe po presim përgjigje.
Unë kërkoi zbardhjen e ngjarjes. Pse e bëri këtë gjë. Ne e njihnim prej kohësh. Erdhi gruaja e tij kërkoj ndjesë. Unë nuk e fal. Unë kërkoj drejtësi. Djali trembet. Ai ka kaluar në depresion. Kam kërkuar dhe psikologen por nuk ka ardhur. Jetojmë me 300 mijë lekë të reja.
Djali: Mua më ka përdhunuar një djalë me emri Altin që shet babane para policisë. Ndërkohë ne vajtëm te policia. Pastaj me policinë vajtëm atje ku shet ai për ta marrë në komisariatin e policisë. Ai më mashtroi me 300 lekë për ta ndihmuar. Unë isha tek ai që shet fruta perime dhe u ula aty. Ky personi më tha ta ndihmoja me arkat për ta çuar në shtëpi. I lutem shteti të zbardhi ngjarjen.
Deklaratë e saj e a dhënë edhe bashkëshortja e të dyshuarit për kryerjen e kësaj vepre të rëndë penale. Ajo është shprehur se nuk e beson që bashkëshorti të ketë kryer këtë akt, duke u mbështetur tek fakti se ka dhjetë vjet martuar me të dhe e njeh. Ndërkohë pranon se ka vajtur tek banesa e të dëmtuarit dhe ka folur me prindërit e tij. Ka kërkuar falje në emër të bashkëshortit, por nga ana tjetër kërkon ndihmën e policisë për ta gjetur atë. Ajo shprehet se ka frikë se mos e kanë vrarë burrin ose ai i ka bërë ndonjë gjë të keqe vetes.
“ Nëse e ka kryer krimin le të vuaj dënimin, por policia të më gjej burrin”, shprehet bashkëshortja e të dyshuarit.
