Kreu i Partisë Demokratike Lulzim Basha ishte i pranishëm tek godina e Teatrit Kombëtar, pranë artistëve të cilët prej orës 07:00 të mëngjesit qëndrojnë në mbrojtje të kauzës së tyre për të mos lejuar shembjen e tij.
Në fjalën e tij të shkurtër Basha deklaroi se do të jetë pranë artistëve për të mos lejuar Edi Ramën që së bashku me bashkëpunëtorët e tij të prishin godinën dhe t’i hapin rrugë ndërtimit të një projekti me qëllim pastrimin e parave të drogës.
Basha akuzoi Ramën se po bashkëpunonte me një arktitekt Italian i cili figuron i dënuar në Itai më parë.
“Skemë e pastër mafioze për të pastruar paratë e drogës dhe ato të Edi Ramës. Teatrin e kanë mbrojtur në mënyrë të pashoqe artistët dhe ne jemi me ta.
Ky teatër do të jetë gropa e Edi Ramës dhe atyre që do të ndërtojnë këtu. Opozita ka qenë dhe do të jetë këtu.
Më në fund para çdo shqiptari duket që kemi një bandë”, tha Basha.
