Policia e Tepelenës arrestoi një 29-vjeçar pasi u kap duke kultivuar kanabis.
“Nga shërbimet e Komisariatit të Policisë Tepelenë u arrestua në flagrancë shtetasi V.B., 29 vjeç, banues në fshatin Dragot, Tepelenë.
Në afërsi të fshatit Dragot, në pronë publike, u kap në flagrancë duke kultivuar disa fidanë kanabis.
Materialet i kaluan Prokurorisë Pranë Gjykatës së Shkallës së Parë Gjirokastër për veprën penale “Kultivim i bimëve narkotike”, parashikuar nga neni 284 i Kodit Penal”, thuhet në njoftimin e policisë.
