Forca të shumta policore mësynë mëngjesin e sotëm në oborrin pranë Teatrit Kombëtar, duke larguar aktivistët që prej muajsh mbrojnë godinën nga shembja, ndërsa nuk kanë munguar incidentet, ku ndaj regjisorëve si Edmond dhe Robert Budina janë përdorur edhe shtyrjet.
Artistët dhe aktvistët e organizuar në “Aleancën për Mbrojtjen e Teatrit” i kanë drejtuar një apel qytetarëve që t’i mbështesin dhe të mos lejojnë shembjen e godinës.
Foto e realizuar nga aktivistja e Aleancës për Mbrojtjen e Teatrit Elona Caslli, me diçiturën, “Artisti përball diktaturës”, tregon qartë vendosmërinë e artistëve dhe aktorëve, për të qëndruar në mbrojtje të Teatrit Kombëtar.
Aktori i njohur Neritan Liçaj shfaqet në këtë fotografi i vetëm përballë kordonit policor.
Në fakt Liçaj nuk është i vetëm, pasi janë me qindra qytetarët që i janë përgjigjur thirrjes së artistëve dhe aktorëve për të mbrojtur Teatrin.
