Voltana Ademi depozitoi në 17 qershor në Gjykatën Kushtetuse një kërkesë përmes së cilës pretendohet të rrëzohet procesi i zgjedhjeve të 30 qershorit. Në emër të Shoqatës së Bashkive, Ademi rreshton sot pikat kryesore që ka renditur për të bindur Kushtetuesen.
Gjatë ditës së sotme ka bërë një deklaratë ku sqaron me detaje kërkesën.
Deklarata
Si kryetare e Shoqatës së Bashkive të Shqipërisë, me 17 korrik 2019, kam depozituar në Gjykatën Kushtetuese një kërkesë lidhur me procesin e 30 qershorit.
Konkretisht, Shoqata e Bashkive të Shqipërisë ka kërkuar:
- Konstatimin antikueshtetues të zgjedhshmërisë/ procesit zgjedhor të zhvilluar me 30 qershor 2019 për zgjedhjen e organeve të qeverisjes vendore, të kryetarëve të bashkive dhe anëtarëve të këshillave bashkiakë dhe si rrjedhojë, konstatimin antikueshtetues të zgjedhjes së anëtarëve të këtyre organeve;
- Verifikimin e kushtetutshmërisë së veprimtarisë së partisë Bindja Demokratike në lidhje me regjistrimin e saj në gjykatë dhe zgjedhjet e datës 30 qershor 2019 në përputhje me germën d të nenit 131 të Kushtetutës së Republikës së Shqipërisë.
Ne e dimë se sot Gjykata Kushtetuese është jofunksionale, por duke besuar tek drejtësia dhe duke marrë parasysh edhe sugjerimet e faktorit ndërkombëtar, ne jemi të vendosur të vazhdojmë reagimin tonë institucional përmes rrugëve kushtetuese dhe ligjore.
Më poshtë gjeni të plotë kërkesën drejtuar Gjykatës Kushtetuese nga Shoqata e Bashkive të Shqipërisë.
