Sekretari i përgjithshëm i OKB-së, Ban Ki-moon përgëzoi rolin e kancelares gjermane, Angela Merkel në krizën e refugjatëve duke e përshkruar atë si zërin e vërtetë moral të botës.
“Kancelarja ka treguar dhimbje të madhe dhe është përpjekur të gjejë qasjen e duhur në këto sfida”, deklaroi Ban pas takimit me Merkelin në Berlin.
“Ajo është zëri i vërtetë moral, jo vetëm i Evropës, por i botës mbarë”, theksoi Ban në një konferencë të përbashkët shtypi me kancelaren.
“Megjithatë, Evropa është një kontinent ku mund të bëhet edhe më shumë… Kjo për humanizmin dhe për respeketin ndaj të drejtave të njeriut”, shtoi ai.
