Ardian Kuka, 37-vjeçari, i cili një ditë më parë vrau bashkëshorten e tij, Hazbie Kuka, u gjet i mbytur sot në Sektorin Rinia në Durrës.
Pak metra larg trupit të 37-vjeçarit u gjet edhe automjeti, me të cilin ai u largua nga banesa pasi kreu krimin makabër, në prani të djalit të tij 8-vjeçar.
Burime policore bëjnë të ditur se dyshimet janë se 37-vjeçari mund të ketë konsumuar lëndë helmuese ose alkool përpara se të futej në det, pasi ai ishte një notar shumë i mirë.
Në kushte të tilla, policia dyshon se mbytja e autorit të dyshuar të krimit, mund të ketë ardhur për shkaqe të tjera, të cilat do të provohen nga ekspertiza mjeko-ligjore.
Policia e gjeti trupin e pajetë të 37-vjeçarit rreth orës 07:30 të mëngjesit të sotëm, ndërsa dyshohet e krimi u krye për shkaqe xhelozie.
