Dretoresha e Task-Forcës për bregdetin, e cila më herët ka qenë në krye të Drejtorisë së Tatimeve, Brisida Shehaj ka kritikuar ashpër kryebashkiakun e Vlorës, Dritan Leli.
Ajo e kritikon atë për një lejë ndërtimi të dhënë:
“Kjo është surpriza e rradhës për sezonin e ri veror në Vlorë. Shkon dhe shikon lejën e re që jep kryetari. Siii mundet siii në 2019 të ndërtohet një pallat i tillë ku nuk ruhet as distanca minimale nga pallati. Nuk hap dot më as dritaren se më hyn komshiu brenda, t’mos mendojmë pastaj që mund të hyjë një hajdut e të bëjë qejf në shtëpinë tënde përsa ti sjeton aty. A ka shtet, a ka prokurori ky vend t’i shohin këto masakra në mes të Vlorës. Apo duhet të themi faleminderit që na paskan lënë këtë tunelin që të futemi në shtëpi.” –shkruan Shehaj.
Ndërkohë, një nga komentuesit i është kthyer ish-drejtoreshës së Tatimeve, duke i thënë që është partia e saj që po e bën këtë dhe se ky është shteti që deshën. Shehaj i përgjigjet komentuesit duke i thënë që i përket asaj race qytetarësh që kritikon gjithçka që duhet kritikuar dhe kur ka mundësi bën më të mirën, kur nuk ka, largohet.
Ajo shprehet se është ende pjesë e Partisë Socialiste, por sipas saj kudo ka vend për kritikë dhe gjithsecili duhet ta shprehë mendimin e tij. Sipas ish-drejtoreshës së Tatimeve, po heshtëm i bëjnë keq partisë dhe vetes.
