Para disa ditësh PS mori nismën me firmat e 28 deputetë për të shkarkuar Arben Malajn si anëtar i Këshillit Mbikëqyrës të Bankës së Shqipërisë me motivacionin shkelje të etikës në daljet publike.
Por, Kuvendi nuk ka futur në rendin e ditës këtë kërkesë. Kryetari i Kuvendit Gramoz Ruçi deklaroi se kompetencë për kërkesën për shkarkim nuk e kanë deputetët, por qeveria.
“Lidhur me këtë çështje njoftoj nismëtarët dhe kuvendin se kërkesa nga ana ime i është përcjellë Këshillit të Ministrave për kompetencë, pasi në zbatim të nenit 47/1 të ligjit për BSH Këshilli i Ministrave është ai që nis procedurën dhe nëse ai e nis vihen në lëvizje procedurat e tjera sipas rregullores së Kuvendit, komisionet dhe mandej seanca e Kuvendit.” u shpreh Ruci sot ne fillim te seancës.
