Kryeministri Edi Rama i është përgjigjur sot Presidentit Ilir Meta, lidhur me dekretin e tij për mbajtjen e zgjedhjeve më 13 tetor.
Rama tha se 13 tetori është një datë e zakonshme.
“Nuk njoh asnjë 13 tetor”, tha Rama pas mbledhjes së kryesisë së PS, e cila zgjati për rreth 5 orë.
Presidenti Ilir Meta ka deklaruar se në 13 tetor duhet të zhvillohen zgjedhjet lokale, ato parlamentare dhe presidenciale.
“Ne jemi të disponueshëm për tu ulur në tryezë me të gjithë pa asnjë përjashtim për të diskutuar për sfidat e vendit, në funksion të Reformës Zgjedhore. Sa i përket Kushtetutës Ligjshmërisë dhe mandatit tonë qeverisë këto nuk janë çështje që i kemi në diskutim sepse lidhen me detyrimet tona. Jemi një shumicë qeverisëse që kemi detyrimin të mbajmë një mandat për të qeverisur.
Zgjedhjet janë bërë në 30 qershor, jemi shumë të angazhuar për ta filluar mbarë procesin e qeverisjes vendore. Për këtë kemi ngritur tre këshille drejtues. Ky është fokusi jonë, ne e kemi sfidën me problemet e vendit dhe njerëzve, nuk e kemi me problemet e opozitës jashtë parlamentit dhe presidentit. 13 tetori për mua është njësoj si 12 tetori, 22 dhjetori, nuk njoh ndonjë 13 tetor”, tha Rama.
