Aksident me vdekje në fshatin Vajkan të Fierit mbrëmjen e sotme. Sipas policisë, mësohet se një automjet është përplasur me një biçikletë. Si pasoje, ka ndërruar jetë biçiklisti. Viktima është Shpëtim Isufaj, 63 vjeç.
Ndërkohë, drejtuesi i makinës nuk ka ndaluar ti japë ndihmës e parë të aksidentuarit, por është larguar nga vendngjarja.
Nga pamjet që sjell “Boldnews” nga vendngjarja, duket se rruga në të cilën ka ndodhur aksidenti është në errësirë totale si pasojë e mungesës së ndriçimit.
“Sot rreth orës 21:35, në aksin rrugor Lushnje –Fier, në vendin e quajtur ‘Vajkan’, një mjet i paidentifikuar ka goditur shtetasin Sh.I, 63 vjeç, banues në Fier, i cili po udhëtonte me biçikletë. Drejtuesi i mjetit pas aksidentit është larguar nga vendngjarja. Grupi hetimor po punon për identifikimin e mjetit dhe zbardhjen e plotë të ngjarjes”, njoftoi Policia. /BN/
