Një 26-vjeçar nga Laçi është arrestuar nga policia e Tiranës, pasi akuzohet për përndjekje dhe dhunë ndaj të ish-dashurës së tij.
Burime zyrtare nga policia sqaruan se “nga Specialistët për Hetimin e Krimit në Komisariatin e Policisë Nr. 2 Tiranë, u bë arrestimi në flagrancë i shtetasit A. K, 36 vjeç, banues në Laç. Arrestimi i tij u bë pasi ky shtetas ishte shpallur në kërkim policor dhe është kapur në rrugën ‘Myslym Shyri’, nga ana e Seksionit të Krimeve të Komisariatit të Policisë Nr.2”.
Hetimet
Burime policore thanë se ka qenë e dëmtuara ajo që ka bërë kallëzim në polici. Pas marrjes së denoncimit kanë nisur edhe hetimet e policisë.
Në kallëzimin e saj, e reja mësohet të ketë thënë se ajo ka dashur ti japë fund raportit me 26-vjeçarin, por ky i fundit nuk ka pranuar duke përdorur metoda të dhunshëm kundrejt saj.
Sipas policisë, A.K. ka përndjekur në mënyrë të vazhdueshme ish të dashurën e tij dhe ka ushtruar dhunë fizike ndaj saj për mos u larguar prej tij, por kjo shtetase ka bërë kallëzim në Polici. /BN/
